अछाम, जेष्ठ १२ । चार वर्षअघि संघीय सरकारले हरेक स्थानीय तहमा निर्माण गर्ने घोषणा गरेको आधारभूत अस्पतालको योजना अछामका स्थानीय तहमा अझै सम्पन्न हुन सकेका छैनन् । दुई वर्षमा निर्माण सम्पन्न गर्ने गरी घोषणा गरिएको भएपनि उक्त कार्यक्रम केही पालिकामा अझै सुरु समेत हुन सकेको छैन ।

नागरिकलाई चिकित्सकसहितको आधारभूत स्वास्थ्य सेवा दिने उद्देश्यले ५, १० र १५ शय्याका आधारभूत अस्पताल बनाउने योजना सरकारले अघि सारेको थियो । अस्पताल नभएका स्थानीय तहहरूमा दुई वर्षभित्र भवन निर्माण गरिसक्ने लक्ष्यका साथ २०७७ मंसिर १५ गते देशभरका ३९३ आधारभूत अस्पतालको शिलान्यास गरिएको थियो ।

तर, जिल्लाको दुर्गम क्षेत्रमा रहेको रामारोशन गाउँपालिकामा भने हालसम्म अस्पतालको शिलन्यास समेत हुन सकेको छैन । अघिल्लो कार्यकालका जनप्रतिनिधि भएको बेला अस्पताल निर्माणका लागि जग्गाको विवाद भएको र विवाद समाधान हुन नसक्दा हालसम्म अस्पताल निर्माणको कुनै पनि प्रक्रिया अघि नबढेको रामारोशन गाउँपालिकाका सूचना अधिकारी दिपक खनालले बताए ।

जिल्लाको तुर्माखाँद गाउँपालिकामा निर्माण हुन थालेको १० शय्याको अस्पताल निर्माणको काम अझै सकिएको छैन । चालु आवको असाढमसान्तसम्म काम गरि सक्ने गरि निर्माण कम्पनीसंग सम्झौता भएको र म्याद थप भएता पनि समयमा काम सम्पन्न गर्न असम्भव भएको तुर्माखाँद गाउँपालिकाका स्वास्थ्य शाखा प्रमुख एकेन्द्र बयकले बताए ।

तुर्माखाँदमा स्वास्थ्य संस्थाको भवन नहुदा सेवा प्रभावित भएको बयकले बताए । संघीय सरकारको बजेटबाट अस्पताल निर्माण हुने भएता पनि सम्झौता, अनुगमन र नियमनको सबै काम स्थानीय तहले नै गरिरहेको उनले बताए । निर्माण कम्पनीलाई काम समयमै सम्पन्न गर्न पटकपटक ताकेता गरेपनि ढिलासुस्ती भइरहेको उनले बताए ।

चौरपाटी गाउँपालिकामा शिलन्यास भएको १५ शय्याको अस्पताल निर्माणको पनि सम्पन्न हुन सकेको छैन । दुइ वर्षमा काम सम्पन्न हुने गरि निर्माण कम्पनीसँग १२ करोड लागतमा तीन वर्ष अगाडी नै सम्झौता गरिएको चौरपाटी गाउँपालिकाका प्रमुख प्रशासकीय अधिकृत धनबहादुर थापाले बताए । मेल्लेख गाउँपालिकामा १५ शय्याको अस्पतालको पहिलो चरणको काम चलिरहेको प्रमुख प्रशासकीय अधिकृत हिक्मतबहादुर बुढाले बताए ।

अत्तरियामा देवीदेवताको थान फेला परेको विश्वास, स्थानीय संरक्षणमा जुटे 

धनगढी, कात्तिक १० । कैलालीको अत्तरियामा देवीदेवताको थान फेला परेको विश्वास गर्दै स्थानीयवासी संरक्षणमा जुटेका छन्। गोदावरी नगरपालिका–२ स्थित

साउदीमा रहेका नेपालीलाई सतर्क रहन दूतावासको आग्रह

काठमाण्डौ, कात्तिक १० । साउदी अरबमा सुरक्षा खतरा बढ्दै गएपछि नेपाली राजदूतावासले त्यहाँ रहेका नेपाली नागरिकलाई उच्च सतर्कता अपनाउन र अनावश्यक रूपमा

भोटेकोशी बाढीमा बेपत्ता कञ्चनपुरका सैनिक चन्दको दुई महिनापछि अन्त्यष्टि

कञ्चनपुर, कात्तिक ८ । भाद्र १० गते आएको विनाशकारी भोटेकोशी बाढीमा बेपत्ता कञ्चनपुरका २५ वर्षीय श्याम चन्दको अन्त्यष्टि गरिएको छ । नेपाली सेनामा